Fieraobend - Maria von Höfen

Maria von Höfen

Fieraobend

Sacht strick dei Wind sien Vigelin,
dei Maond is klaor un meist weer ganz.
Glieks röögt dat Eikloof, in sien'n Schien,
sick tau ein speuckschen Schaddendanz.

Dei Dag is achter't Holt verschwunnen,
is in dei Aobendsünn' verglaiht.
Wat Unrüst har, heff Frä'en funnen -
un männing Blaumen sünd verblaiht ...

Ick äöwerdenk den Dag noch hastig,
treck't Griese van dat Bunte off.
Schmiet weg, wat leidig wör un lastig,
frai mi, wenn Gold an'n Wannerstaff.

Entnommen aus dem Jahrbuch
Oldenburger Münsterland 1999, Seite 192.